تعلم البرمجة: الاستاذ علي ميركل Learn programming
كيف تبدأ بالبرمجة:اهلاً شبابنا و بناتنا
هوايه ناس يحبون البرمجة بس ميعرفون
من وين يبدون ؟
وشيقرون؟
وشلون يتعلمون؟
وشيسوون؟
راح احاول بخبرتي البسيطة احاول اوصلكم لطريقة ربما تكون جيدة
اول شيء ما هي البرمجة
البرمجة لها عدة تعاريف
انا اعرفها بهذه الطريقة:
" امكانية التحكم باي شيء الكتروني "
اوكي شلون نبدي
بالبداية لازم تتعلم اساس التفكير البرمجي
تكدر تتعلمهن من اي لغة برمجة حديثة
اني انصحك ببايثون
اكو كورسات هوايه حتى تبدي مسيرتك
اني كلش انصح بكورس cs50 كبداية
ورة ما تتعلم الاساس
لازم تحدد وجهتك
اي لتصير مثل حالتي
تعلمت 20 لغة برمجة و هواية من عمري ضليت اطفر هنانة وهناك بين الوجهات
نعم الي جنت اسويه غلط
فلتكرر غلطي
يله خلي نجي للوجهات:
1- برامج دسكتوب
عندك سي# و بايثوناني انصح ببايثون بس السوق الان بالعراق كله سي#
2- برامج النظم و انظمة التشغيل
هذه المجال لازم تحترف سيو اسمبلي
ولازم تركز عليهم
ب النسبة ل سي انصحك بكتاب the c programming language
3- برمجة المتحكمات اردوينو وجماعته مثل الpic
ذوله همين سي وجماعته بس تفيدك4- برمجة تطبيقات الهاتف
بهذه المجال عندك كمية خياراتاذا تريد تبرمج للايفون انصحك ب سويف
وذا تريد للاندرويد فانصحك ب كوتلن
و اكو بعد خيارات متعددة المنصات مثل فلتر و رياكت نيتف
بس صراحة يحتاجلهن وقت حتى يصيرن احسن
5- برامج الويب
طبعاً الويب ينقسم قسمينالاول باك و الثاني فرونت
الفرونت هو الشكل و الباك هو تصرف الابلكيشن
نجي على الفرونت
ضروري تتعلم html و css و اهم شيء جافا سكربت
الباك عندك خيارات كثيرة
php
و بيه فريموركات مثل لارفيل
python
وبيه فريموركات تخبل مثل django
go وبيه فريموركات تخبل مثل مارتيني
روبي و بيه فريمورك يخبل اسمه روبي اون ريلز
و همين تكدر تبرمج ب الدوت نت سي# وجماعتة
الفريمورك هو مجموعة مكاتب برمجية تسهل شغلك
6- الداتا ساينس (علم البيانات )
حسب تجربتي الشخصية البسيطة اشوف r و بايثون الي تفيد كلش بهذ المجال7- الذكاء الصناعي
حسب تجربتي اشوف بايثون الي مسيطرة حالياًاوكي هسه اختاريت وجهتي من ذني ال7 وجهات
شسوي
احبابي ابدي تعلم اللغات الي تفيدك بوجهتك ثم سويلك مشاريع
كلما تسوي مشروع تزيد خبرتك اكثر و تتعلم اكثر
-الاستاذ : علي ميركل
ليست هناك تعليقات:
إرسال تعليق